Граничниот премин „Евзони“ ќе остане затворен за туристите. Во Грција ќе можат да влезат само оние кои имаат документи со кои докажуваат дека живеат во Грција, односно до 400 автомобили и камиони на ден, пренесуваат медиумите во регионот.
Според нив, туристите ќе можат да влегуваат преку граничните премини во Бугарија, исто како и минатата година. Правилото за влез на автобуси и автомобили допрва треба да се прецизира.
Исто така, негативен тест за коронавирус, потврда за вакцинација или хартија за антитела ќе биде услов за влез во земјата. Грците по случаен избор ќе тестираат туристи на границата, пишуваат агенциите.
