Генералот Ратко Младиќ им порача на луѓето во Република Српска да ја заштитат својата Република и додаде дека тоа е најважната работа, рече Дарко Младиќ, синот на Младиќ.
– Ратко знае што мислат луѓето за него. Тој вели дека Република Српска треба да се заштити и дека тој не е важен, туку опстанокот на Република Српска – рече Дарко Младиќ, кој по пресудата се состана со неговиот татко во Хаг.
– Звучеше добро кога го посетив. Беше под адреналин, ќе видиме како сето тоа ќе влијае на неговото здравје во наредните денови. Луѓето ја видоа нивната намера, ниту една сила не може да направи лагата да стане вистина и Ратко тоа го знае – рече Дарко Младиќ.
Според него, НАТО го осудил неговиот татко за одбрана на својот народ и за тоа што ги спречил плановите на НАТО да ги протера Србите од нивните вековни огништа.
