Српскиот претседател Александар Вучиќ ќе ја посети Кина од 2 до 4 септември, каде што ќе присуствува на одбележувањето на 80-годишнината од победата во Втората светска војна, на покана на претседателот на таа држава, Си Џинпинг.
За време на посетата на Пекинг, претседателот Вучиќ ќе се сретне со претседателот на Народна Република Кина, Си Џинпинг, претседателот на Руската Федерација, Владимир Путин, како и со други високи функционери на Народна Република Кина и претставници на големи компании, соопшти Службата за соработка со медиумите на претседателот на Србија.
На 3 септември, претседателот Вучиќ ќе присуствува на голема воена парада по повод Денот на победата.
На парадата се поканети лидерите на 26 земји.
