Неколку стотици студенти утрово тргнаа од кампусот на Универзитетот во Нови Сад во протестна прошетка низ градските булевари, блокирајќи една од најпрометните крстосници во близина на трговскиот центар „Променада“.
Студентите дуваат во свирчиња и „вувузели“, а во рацете носат индекси. На транспаренти се испишани пораки како „Народот не треба да се плаши од власта, туку власта од народот“, „Мама не ме научи да молчам“ и „Корупцијата е многу кринџ“.
Во 11:52 часот, на крстосницата оддадоа почит во тишина за 15-те жртви од несреќата на железничката станица во Нови Сад.
Студентскиот лидер, Бранислав Ѓорѓевиќ, најави дека во понеделник студентите ќе протестираат пред Собранието на Нови Сад, каде што треба да се расправа за градскиот буџет.
– Властите повеќе не можат да бегаат од нас. Ќе мора да соберат храброст и да ни погледнат в очи пред да донесуваат одлуки автоматски – рече Ѓорѓевиќ.
