Фото: Твитер / Драган Милиќ

Добиваме пораки за поддршка од сите страни, многу луѓе нè предлагаат за орден или за награда. Мислам дека само си ја вршевме работата, дека не направивме ништо толку револуционерно за да добиеме орден. Само почитувавме дел од нашите обврски кон нашите пациенти. За нас, пациентите на таа листа на чекање умираат. Сега можеме да ги погледнеме сите наши пациенти во очи: никој нема да умре затоа што не ја добил операцијата на време! Никој друг. Сега е само прашање дали сакаат да ја направат операцијата и кога. Ова го вели за српски „Блиц“ директорот на Клиниката за кардиохирургија на Универзитетскиот клинички центар во Ниш, проф. д-р Драган Милиќ, откако лекарите и медицинскиот персонал на оваа клиника, со дополнителна работа, оперирајќи без никаков надомест во изминатите 12 викенди, успеа да направи вистински подвиг и да ја елиминира листата на чекање за кардиоваскуларни операции.

Фото: Твитер / Драган Милиќ

За 100 дена нишките кардиохирурзи направиле 248 операции, што е двојно повеќе од истиот период лани кога беа оперирани 117 пациенти. Листата на чекање со 149 пациенти на почетокот на оваа година се претвори во листа за закажување на која сега има 42 пациенти! Проф. д-р Милиќ вели дека чекањето за операции за кои лани се чекаше три до четири, а понекогаш и шест месеци веќе го нема… Од вчера веќе нема листи за чекање и нема пациент кој поминува на клиниката за анестезиологија ќе чека операција подолго од пет до 15 дена.

– Ограничени сме со бројот на операции што може да се направат, а главен проблем е интензивната нега, каде што имаме вкупно 10 кревети. И кога ќе ги наполниме, следниот пациент може да биде опериран кога некој е доволно добро да оди дома или на одделение. За овие 100 дена капацитетот на интензивна нега беше цело време 10 пациенти – вели проф. д-р Милиќ за „Блиц“.

 

ПОВРЗАНИ СТАТИИПОВЕЌЕ ОД АВТОРОТ