Сообраќајот на државните патишта се одвива непречено, по претежно суви коловози, соопшти вечерва Автомотосојузот на Македонија.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ информира дека од 17:30 часот сообраќајот на ГП Евзони (Богородица) е во прекин.
Поради штрајк на грчките земјоделци, овој граничен премин неколку дена во различни интервали од денот е блокиран за сообраќај.
