Со најновите измени на Законот за семејство, во Србија ги укинуваат браковите за деца, а кривични санкции ќе бидат изречени за родители што уредуваат и склучуваат договор за тие бракови, објави весникот „Политика“.
Кривични санкции ќе бидат изречени и за возрасни ако започнат да живеат заедно со малолетник, изјави за „Политика“ специјалниот советник на министерот за труд Драган Вулевиќ.
– Свесни сме дека со измените на законот нема да се спречи тој феномен, но мора да нагласам дека ќе бидат предвидени кривични санкции за родители што дозволуваат или договорат вакви бракови, но и за возрасни ако започнат да живеат заедно со малолетник – рече Вулевиќ.
Во Србија секоја година се прават околу 2.000 брака и досегашниот закон им понуди на многу родители „алиби за продажба на деца“.
– Според постојниот закон, дете над 16-годишна возраст може да стапи во брак врз основа на судска одлука во вонпроцесна постапка, со мислење на центарот за социјална работа за остварена психофизичка подготвеност. Со измените на законот се укинува таква можност и брак во иднина ќе може да склучат само возрасни – вели Вулевиќ.
