Унгарскиот министер за надворешни работи Петер Сијарто за време на посетата на Словенија рече дека двете земји се залагаат за проширување на ЕУ кон Западен Балкан поради блискоста на овој регион.
Сијарто ја посети Словенија, на која Унгарија и позајми 300.000 дози вакцина на „Астра зенека“ за да ја забрза вакцинацијата, и се состана со премиерот Јанез Јанша и министерот за надворешни работи Анже Логар.
– Ние сме многу посветени на проширувањето, чувствуваме дека по брегзит на ЕУ и треба успешна приказна и нови членки и нема многу работа околу тоа проширување. Ако ги погледнеме Србија или Црна Гора, ќе видиме дека и двете земји направија многу за да влезат во Унијата и придобивките од пристапувањето во нив ќе бидат заемни – изјави Сијарто, додавајќи дека ваквиот потег ќе ги смири тензиите во регионот оптоварен со нерешени прашања.
Сепак, тој додаде дека некои земји, како што се Франција и Холандија, не се за проширување, а членките кои се за интеграција на балканските земји немаат мнозинство.
Централноевропските држави и Вишеградската четворка силно го поддржуваат проширувањето, подалечните држави за жал не го прават тоа, рече шефот на унгарската дипломатија.
Сијарто ја коментираше и одлуката на Унгарија да користи вакцини од Русија и Кина во пандемијата од ковид-19, велејќи дека неговата влада со време сфатила дека вакцините нарачани од Европската комисија од западни производители не би биле доволни и затоа минатата година тие стапиле во контакт со руски и кинески производители кои ги доставиле вакцините на време или дури и пред крајниот рок.
Нашата цел беше да станеме првата европска земја што ќе се отвори кога ќе постигне доволно ниво на заштита против коронавирусот и успеавме во тоа, рече Сијарто, коментирајќи ги односите на Унгарија со Русија, отфрлајќи ги критиките дека таа работи како застапник на Русија во ЕУ или Кина.
Како централноевропска држава, историјата ја научи Унгарија дека Централна Европа секогаш слабо пропаѓа во споровите меѓу Истокот и Западот. Не сакаме повеќе да бидеме губитници. Затоа се залагаме за дијалог меѓу Истокот и Западот врз основа на меѓусебно почитување, не поради Исток, Кина или Русија, туку поради Унгарија, рече Сијарто, додавајќи дека дијалогот и соработката се важни и дека Унгарија не сака нова студена војна меѓу Исток и Запад.
