СЛОВЕНИЈА
Словенија ја продолжи состојбата на прогласена епидемија за еден месец, односно до 17 декември. Одлуката ќе стапи во сила денеска, еден месец по прогласувањето на епидемијата, се вели во соопштението на Владата. Официјалните податоци покажуваат дека просечниот дневен број на новоинфицирани е 922, бројот на приеми во болница 1.264, а бројот на пациенти на интензивна нега е 205.
Со изјавата се потврдува дека сите словенечки региони потврдиле дека бројот на новозаболени го надминал бројот потребен за прогласување епидемија. Според важечките прописи во Словенија, ако во период од 14 дена просечниот дневен број на новозаболени е 140 или повеќе на 100.000 жители, 250 хоспитализирани и 50 на интензивна нега, се исполнети условите за прогласување епидемија.
Словенечкиот министер за здравство Томаж Гантар очекува новите построги мерки да ги покажат ефектите по две недели.
Епидемијата во моментов е под контрола, па наскоро ќе почнат да се подготвуваат критериуми за ублажување на ограничувањата, пренесува словенечката агенција СТА.
– Ковид-19 продолжува да се заканува со преоптоварување на словенечкиот здравствен систем, кој ќе остане под зголемен притисок уште некое време. Големиот број инфекции меѓу здравствените работници е голем проблем – рече тој.
