Пациент во психијатриска болница во романската општина Сапока, со држач за инфузија убил четворица други пациенти.
Тој ги нападнал другите само три дена откако доброволно се пријавил во оваа психијатриска установа.
До крвавиот инцидент дошло утрово во 3 часот, во две различни одделенија. Триесет и осумгодишниот пациент прво го нападнал својот цимер, а потоа влегол во женското одделение, каде со истиот држач за инфузија, почнал да ги удира пациентките.
Тој усмртил четири лица, а деветмина ранил, од кои двајца се во кома. Сите жртви имаат над 60 години и патат од различни психички проблеми.
Полицијата го привела напаѓачот. Во моментот кога го апселе, тој во рацете се уште имал дел од држачот за инфузија, со кој ги убил другите пациенти.
