Шведскиот дипломат, Карл Билд, кој е добар познавач на работите на Балканот, не ја поддржува идејата за размена на територии меѓу Косово и Србија.
Билд, кој во 90-тите години од минатиот век, беше меѓународен посредник за проблемите на Балканот вели дека ваква идеја е многу опасна, дури, како што ја нарекува, катастрофална и ќе предизвика движење на популацијата.
Во напис за весникот „Вашингтон пост“ наведува дека на една средба му било речено дека освен српскиот претседател Александар Вучиќ идејата за размена на територии ја поддржува и албанскиот премиер Еди Рама.
-Кога станува збор за иднината на Балканот, дискурсот забавува со предлагање нови поделби во регионот – рецепт за геополитичка нестабилност. Српските и албанските лидери ја испитуваа можноста за решавање на нивните разлики со користење на размена на територии. Идејата за класификација на поделбите преку размена на територии веќе неколку години циркулира во Белград, но во последно време се вовлекла и во главните албански кругови – смета Билд.
Идејата, според него, воопшто не е нова, во минатото беше опасна и останува така во сегашноста. Поранешниот лидер на Србија, Слободан Милошевиќ, и хрватскиот водач, Фрањо Туѓман, во почетокот на 1990-тите се договорија меѓусебно да ја поделат Босна, но Меѓународната реакција ги стопираше тие планови.
Но досега, политиките на Европската унија и САД беа многу јасни: границите што беа во стара Југославија треба да останат на место и решенијата да се бараат во нивни рамки. За да се балканизира и понатаму Балканот е отворањето на регионот за понатамошни конфликти и крвопролевање.
– Состојбата на Косово останува едно од најтешките прашања во регионот. Тоа не беше решено ни интервенцијата на НАТО во 1999 година, ниту пак со независноста во 2008 година, како независна држава и признаена од голем број нации. Се додека нема нормализација на односите меѓу Србија и Косово, прашањето ќе го ограничи потенцијалот на двете земји и стабилноста на регионот. Затоа идејата за нови територијални поделби повторно се појави. Може да има различни верзии на такви сценарија. Косово може да ја напушти областа северно од реката Ибар, населена речиси целосно од Срби, а потоа да добие дипломатско признавање, а можеби да добие и некои локалитети во јужна Србија – наведува Билд.
Српскиот претседател Александар Вучиќ размислува по овие линии, а и албанскиот премиер Еди Рама, додава Билд, исто така, беше отворен за тоа, како што ми рече во разговор.
Ова е опасно, и Вашингтон и Брисел мора да ги видат опасностите. Постепената интеграција на Србија и Албанија во ЕУ и НАТО врз основа на постојните граници е единствениот пат кон одржливата стабилност во регионот. Поигрувањето со граници и поделби на Балканот беше опасно во раните 1990-ти и сега останува голема опасност.
