Претседателот на Европски совет Доналд Туск, следната недела ќе ги посети Македонија, Албанија, Босна и Херцеговина, Косово, Србија и Црна Гора.
Посетата е во рамките на подготовките за Самитот ЕУ-Западен Балкан, што ќе се одржи на 17 мај во Софија.
Туск од 24 до 28 април ќе ги посети земјите од Западен Балкан.
– Пораката до нашите пријатели е јасна: Европска унија е и ќе продолжи да биде најдоверлив партнер во целиот регион. Како најголем инвеститор, најголем донатор, најголем пазар и најдобро ветување за подобра иднина на граѓаните. Нашиот самит би требало да биде потврда за европската перспектива на регионот. И што е уште поважно, би требало да се подобрат, на конкретен начин, врските внатре во регионот – истакна Туск во денешниот говор пред Европскиот парламент, посветен на Западен Балкан.
