Во српското Собрание во тек е 5-та специјална седница, на која претседателот Александар Вучиќ ќе ги информира пратениците за текот на преговорите меѓу Белград и Приштина.
Вучиќ изјави „дека не oчекуваа лесна задача“ и дека „не е време за прекумерни очекувања или очекувања што не се во согласност со реалноста околу нас“.
Претседателот се осврна на фактот дека за време на состанокот во Брисел албанската страна предложи декларација за мир, на која Вучиќ рече дека тоа би било како да потпишуваат договор со самите себе.
Зборувајќи за бомбардирањето од страна на Западот и НАТО, тој рече дека не треба да се очекува правда.
– Не треба да очекуваме правда, ќе ја платиме цената за помал дел од нашата политика и поголем дел од арогантното и брутално однесување на големите сили. Никогаш нема да ни кажат извинете, туку дека тоа го сториле за да спречат хуманитарна катастрофа. Зар не е поголема катастрофа во Авганистан? Зошто не ги одделивте Алепо и Хомс од Дамаск. Само на Србите им одзедовте. Во право сте, Александаре, но да преминеме на реалноста – рече српскиот претседател.
– Ние се залагаме за интегритетот на БиХ со почит кон РС, и кога ќе бидат прашани од РС како им дадовте право на глас на Албанците, а Србите немаат право на тоа и покрај договорот – праша Вучиќ.
Претседателот на Србија додаде дека нема одговор.
„Тишина“, изјави Вучиќ.
Зборувајќи за вооружувањето на косовските сили, тој посочи дека никој не го критикува фактот дека западните страни го вооружуваат КБС и покрај кршењето на Резолуцијата 1244.
