Од државјанството на Босна и Херцеговина досега се откажале вкупно 77.958 луѓе, од кои во 2017 година тоа го направиле 4.365 лица, потврди Министерството за цивилни прашања на Босна и Херцеговина за ФЕНА.
Во периодот од 1996 година до денес, најмногу барања за отпис од државјанството се поднесени во 2002 и во 2003 година, од страна на вкупно 17.282 лица според евиденцијата на министерството одговорно за овие прашања.
Од 2008 до 2015 година, откажување од државјанството на БиХ побарале околу 3.500 луѓе годишно, а во 2016 година тоа го направиле 4.270 луѓе.
Според ФЕНА во постапката за откажување од државјанството на БиХ странката не е обврзана да наведува други причини, освен фактот дека тие веќе имаат или се загарантирани со стекнување на државјанство на друга држава.
Во неформални разговори тие тврдат дека најчеста вистинска причина е правото на сопственост, за да си го олеснат патувањето и студирањето во странство и да имаат посигурен работен статус.
Откажување е со цел да се стекнат со државјанство на Германија, Австрија, Словенија, Норвешка, Данска, Чешка, Србија, Хрватска, Црна Гора и Данска која во меѓувреме го усвои новиот закон, кој не бара откажување.
Висината на надоместокот за откажување од државјанството е 400 евра, а во земјите од поранешна СФР Југославија 100 евра, но ако постапката се направи преку дипломатско-конзуларната мрежа на БиХ во странство, трошокот се зголемува и за конзуларната такса.
Босна и Херцеговина има двојно државјанство со Шведска, Србија и со Хрватска според во Министерството за цивилни прашања на БиХ.
