Проширување може да има откако ќе се спроведат неопходни реформи во Европската Унија, изјави францускиот претседател Емануел Макрон, денеска во Софија.
Тој рече дека е за засилен стратешки дијалог со Западен Балкан и европска перспектива, но истовремено го повтори ставот дека проширување може да има откако ќе се спроведат неопходни реформи во Европската Унија.
– Не сум за тоа дека за ново проширување може да има пред да се спроведат вистински и трајни реформи, што длабински ќе го подобрат функционирањето на ЕУ – изјави Макрон.
Пред Самитот во Софија тој повтори дека е неопходно со многу „внимателност и строгост“ да се гледа на секое ново проширување.
