Аеродромот во Хамбург денеска е затворен поради штрајк, а вработените на речиси сите аеродроми, вклучувајќи ги и главните центри на Германија во Франкфурт, Минхен и Берлин, утре ќе прекинат со работа на повик на синдикатот Верди.
Синдикатот Верди претходно ги повика персоналот на земја, ракувачите со багаж и персоналот за обезбедување на аеродромите да стапат во еднодневен штрајк.
Причината за штрајкот како што наведуваат е спорот за платите меѓу федералната влада и локалните власти, во кој следната рунда преговори е закажана за средината на март.
Се очекуваат големи ограничувања за полетување и слетување на авиони, вклучително и откажување на голем број летови.
