Јеменските шиитски бунтовници Хути соопштија дека истрелале осум балистички ракети врз градот Џизан во Саудиска Арабија.
Саудиската државна телевизија јави дека воздушната одбрана пресретнала четири од осумте истрелани ракети и оти при нападите не е причинета материјална штета и нема жртви.
Но, Хутите тврдат дека ракетите ги погодиле метите со „голема прецизност“.
Коалицијата предводена од Саудиска Арабија претходно соопшти дека при нејзиниот напад страдале двајца хутски лидери и десетици бунтовници во Јемен.
Хутите и претходно истрелуваа ракети врз саудиска територија, вклучително и врз главниот град, Ријад.
Саудиска Арабија ја поддржува меѓународно признаената Влада во Јемен и сака да ги спречи Хутите, кои имаат поддршка од Иран, да ја повратат власта.
