Претседателката на Европската комисија, Урсула фон дер Лејен размислува да отпатува за Турција следната недела по самитот на ЕУ на кој би требало да се расправа за односите со Анкара.
Ова го соопшти нејзината канцеларија, по видео разговорот помеѓу Фпн дер Лејен и турскиот претседател Реџеп Таип Ердоган, пренесува „Ројтерс“.
Европската унија, патем, ѝ се закани на Турција со санкции по разгорувањето на повеќедеценискиот спор меѓу Турција и Грција околу поморската надлежност и енергетските ресурси на Медитеранот.
– Ја нагласивме важноста од континуирана деескалација и понатамошно зајакнување на градењето доверба со цел да се овозможи попозитивна агенда на ЕУ и Турција – напиша Урсула фон дер Лејен на Твитер.
Самитот на ЕУ за односите со Турција е закажан за 25 и 26 март.
