НАТО може да плати висока цена за предвремено напуштање на Авганистан, предупреди генералниот секретар на алијансата, Јенс Столтенберг, кога американски официјален претставник изјави дека се очекува Доналд Трамп да повлече значителен број американски војници во наредните недели.
НАТО има речиси 12.000 војници од неколку десетици земји во Авганистан, кои помагаат во обука и советување на силите за национална безбедност. Многу од нив не се американски војници, но 30-члениот сојуз многу се потпира на САД во транспортот, воздушната поддршка, логистиката и другите форми на помош.
Малку е веројатно дека НАТО може дури и да ја заврши својата операција во Авганистан без американска помош.
– Сега се соочуваме со тешка одлука. Ние сме во Авганистан речиси 20 години и никој сојузник на НАТО не сака да остане подолго отколку што е потребно. Во исто време, сепак, трошоците за предвремено напуштање на некоординиран начин може да бидат многу високи – се вели во соопштението на Столтенберг, пренесува „Асошиетед прес“.
