Специјален авион од Северна Кореја со десетина странски дипломати и други луѓе пристигна на Далечниот Исток во Русија, зошто Северот ги заострува блокадите поради коронавирусот.
Северна Кореја јавно не пријавила ниту еден случај на болеста, но нејзините државни медиуми објавија дека 1.000 луѓе се ставени во карантин како дел од строгите мерки за превенција.
Десетина патници, од кои поголем дел носеле маски за лице, а некои во придружба на деца, стоеле во ред на Меѓународниот аеродром во Пјонгјанг, каде севернокорејските здравствени работници, кои носеле бели заштитни одела, им мереле температура.
Не е познато колкумина одлетале во Владивосток.
Северна Кореја на втори март ја укина едномесечната изолација за странски дипломати во Пјонгјанг, овозможувајќи им да ја напуштат земјата.
Антивирусната кампања Северна Кореја ја нарече работи за опстанок на нацијата, забранувајќи влез на странски туристи и укинувајќи го речиси целиот сообраќај со Кина. Некои експерти велат дека Северна Кореја е многу ранлива на заразни болести поради хроничниот недостиг на санитетски материјал и застарената здравствена инфраструктура.
