Рускиот претседател Владимир Путин, како одговор на изјавата на американскиот претседател Џозеф Бајден дека рускиот претседател ќе ја плати цената за неговото наводно мешање во американските избори и дека го смета за убиец, му посака на Бајден добро здравје.
– Кога проценуваме други луѓе и земји, тоа е како да гледаме во огледало – рече Путин, пренесува РИА Новости.
Путин рече дека има многу чесни луѓе во американскиот естаблишмент и дека Русија ќе се потпира на нив.
Претседателот на Русија оцени дека Вашингтон е посветен на односите со Москва само под свои услови, и дека Русија ќе работи само под услови кои се поволни за неа.
