Неколку полицајци во Њујорк и полицајци од округот Флинт во Мичиген клекнаа на улица со демонстрантите кои протестираа поради смртта на Афроамериканецот Џорџ Флојд.

Полицијата сакаше да покаже солидарност со демонстрантите и да покаже дека не се за насилство.

Неколку полицајци во Њујорк клекнаа заедно со мирните демонстранти на тротоарот и му оддадоа почит на починатиот, пренесува „Си-ен-ен“.

Меѓу нив беше и темнокожиот шеф на полицијата во Бруклин, Џефри Мареј, пренесува АП.

Во видеото објавено на социјалните мрежи, може да се слушнат извици на насобраните „благодарам“, упатени до полицијата.

Демонстрантите потоа ги опколија полицајците и клекнаа со нив.

Еден од демонстрантите потоа гласно ги изговори гласно имињата на другите починати Афроамериканци.

ПОВРЗАНИ СТАТИИПОВЕЌЕ ОД АВТОРОТ