Саудиска Арабија обнови 50 отсто од производството на нафта кое беше намалено со нападот на рафинеријата, изјави министерот за енергетика, принцот Абдулазиз бин Салман. Тој истакна дека до крајот на месецот капацитетот на производството ќе биде подигнат до 11 милиони барели на ден.
Пред нападот се произведуваа околу 9,6 милиони барели дневно. Нафтените постројки на „Сауди Арамко“ беа нападнати во саботата со дронови и крстосувачки ракети, со што беше намалено производството на нафта за 5,7 барели дневно, што е околу пет отсто од светското производство на нафта.
Одговорноста ја презедоа јеменските бунтовници Хути, кои ги поддржува Иран, но САД тврдат дека нападот бил извршен од Иран.
