Состанокот на францускиот премиер Едуард Филип и претставници на демонстрантите кои со недели протестираат против зголемувањето на таксите на гориво, не вроди со плод откако некои претставници на „Жолтите елеци“ ги напуштија разговорите.
Тие наведоа дека добивале закани и бараа разговорите да се пренесуваат во живо на телевизија.
Неуспехот е по повикот за нови протести денеска ширум Франција вклучително и во Париз каде минатиот викенд протестите прераснаа во судири.
На протестите на возачите против зголемените даноци за гориво им се приклучија и фармери, службеници, пензионери и други во „Жолти елеци“, движење во кое сега се широк спектар на граѓани кои протестираат поради високите трошоци за живот. Премиерот изјави дека разговорите со останатите демонстранти биле корисни и дека е отворен за соработка ако „Жолтите елеци“ изберат претставници.
