Меѓу јануари 2018 и јуни 2019 година, кинеските просечни МФН-царини се искачија од осум до 20,7 отсто за американските увозни стоки, но за остатокот од светот се намалија до 6,7 отсто.
Поделениот одговор на Пекинг за трговскиот спор на Вашингтон нанесе значителна штета по американските компании поврзани со кинеските и со фирми од трети држави, се смета според податоците на американскиот истражувачки институт за меѓународна економија „Питерсон“.
Податоците од меѓународниот трговски центар „Мејн“ покажуваат дека извозот на јастог за Кина опаднал за 84 отсто, како последица на царините на Пекинг. Од друга страна, кинескиот увоз на јастог од Канада речиси се удвои до 12 милиони килограми за разлика од тоа што американските јастози добија 25 отсто царини.
Од ланскиот јули, Кина возврати на 110 милијарди долари вреден американски увоз поради тоа што претседателот Трамп воведе царини за 250 милијарди долари вреден кинески увоз. Во јуни, просечната МФН-царина на Кина наеднаш се зголеми до 20,7 отсто откако Трамп ги зголеми царините од 10 на 25 отсто за кинески увоз вреден 200 милијарди долари.
Трамп и Си се согласија да ги обноват трговските преговори на самитот на Г20, кој се одржа на 29 јуни во Осака, Јапонија. Трамп исто така ја укина забраната за американските компании да соработуваат со кинескиот технолошки гигант „Хуавеј“ поради ризици по националната безбедност, што претставува значаен чекор напред.
Малкумина се оптимисти дека 12-та рунда на трговски преговори меѓу САД и Кина ќе даде плод по претходните 11. Сепак, Трамп можеби ќе сака да направи компромис сега кога треба да се кандидира за реизбор.
