Патнички авион Ан-28 исчезна од радарите во областа Томск, изјави извор во авијациските служби, за руските агенции.
Според различни извори, во авионот имало од 13 до 17 лица, од кои четири деца.
„Авионот исчезна од радарот во регионот Бакчарски. Сигналот се изгасна. На авионот има 17 лица, од кои четири деца. Тројца од нив се екипаж“, кажал неименуван извор.
Според прелиминарните податоци, координатите на предложената локација се во атарот на селото Башкара, изјавил изворот за руските агенции. Според него, постои можност авионот да се срушил.
Сибирскиот центар за спасување го потврди исчезнувањето на авионот од радарот. Авионот летал од Кедрови до Томск. Во потрага по него бил испратен хеликоптер Ми-8 на Федералната агенција за воздушен сообраќај.
