Гумата на тркалата од индиски патнички авион, во кој биле 168 патници и членови на екипаж, експлодирала кога итно слетал. Експлозијата се случила утрово, за време на слетувањето на аеродромот во Џаипур, главен град на индиската држава Раџастан.
Извори за локалните медиуми рекле дека пилотот, по полетувањето, имал проблеми со една од двете гуми, на левата страна од леталото. Пилотот успеал безбедно да слета, бидејќи другата гума била исправна, а никој од патниците не е повреден.
