Поранешната телевизиска ѕвезда и актер Володимир Зеленски (41), кој минатиот месец победи на претседателските избори во Украина, денеска положи свечена заклетва како шеф на државата во украинскиот парламент во Киев.
Зеленски, чиј мандат е во траење од пет години, ја промени традицијата и до парламентот не дојде во церемонијална поворка, туку прошета низ парк полн со луѓе.
Опкружен со четворица телохранители, тој направи „да пукне“ со некои од гледачите, а во еден момент дури и застана за селфи, објави агенцијата АП.
Агенцијата наведува дека Зеленски, популарен комичар во Украина, го победи противкандидатот, поранешниот претседател Петро Порошенко, во атмосфера која ја одразува исцрпеноста на Украинците од секојдневната политика.
