Десетина болници и неколку училишта во Санкт Петербург денеска добиле закани за поставени експлозивни направи, соопштија извори од руските служби за вонредни ситуации за „ТАСС“.
Според изворот, заканите биле насочени кон 11 болници и неколку училишта.
Претходно денеска поради закани со бомби биле евакуирани и градски судови, кои сега повторно работат бидејќи не се пронајдени опасни предмети по извршениот претрес.
И пред три дена една третина од метро станиците во Санкт Петербург добија закани со бомби, но специјалните полициски единици утврдија дека станува збор за лажни дојави.
Тогаш 20 болници и 40 образовни установи добија слични предупредувања.
