Стотици египетски новинари повикаа во неделата на ослободување на сите политички затвореници, пренесува „Мидл Ист монитор“.
Во службената белешка, Синдикатот на новинарите ги повика јавниот обвинител на Египет, министерот за правда и управата на затворот „Тора“ во западниот дел на Каиро да го ослободат нивниот колега Хишам Фуад, за кого велат дека штрајкува со глад веќе две недели.
– Египетските власти мора итно да интервенираат за да му ја обезбедат потребната здравствена заштита на Фуад и да му го спасат животот – рекоа тие.
Синдикатот повика на ослободување на Фуад, Хосам Моанис и на други кои веќе ги поминале максималните две години во притвор пред судење.
– Продолженото незаконско затворање на Фуад и на неговите колеги го загрозува нивниот опстанок по повеќе од две недели штрајк со глад – се предупредува во соопштението.
