Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во атмосферата на Земјата.
Делови од ракетата „Лонг март 5Б“ влегоа во атмосферата во 10.24 часот по локално време, објави „Ројтерс“.
Местото на падот на деловите од ракетата било во Индискиот Океан, југозападно од Индија и Шри Ланка, објави кинеската агенција за вселенски летови. Повеќето остатоци од ракетата изгореа во атмосферата, се додава во соопштението.
