Врховниот суд на Јужноафриканската Република денеска ја укина владината одлука за дипломатски имунитет на поранешната прва дама на Зимбабве, Грејс Мугабе откако беше обвинета за удирање жена со електричен кабел.
Манекенката Габриела Енгелс, која тврди дека била нападната од Мугабе, поднесе тужба во август минатата година, оспорувајќи ја одлуката на Владата.
Мугабе се врати во Зимбабве веднаш штом ЈАР и даде дипломатски имунитет. Тоа и дозволи да избегне судски процес за напад и предизвика спор во Јужна Африка, кадешто опозицискиот Демократски сојуз ја оспори одлуката.
Мугабе негираше дека ја нападнала Енгелс додека африканската АфтриФорум, која ја претставуваше Енгелс, ги отфрли тврдењата како лаги.
