Во германската покраина Хесен беше пуштена во употреба првата делница од велосипедскиот автопат.
Иако делницата е долга само четири километри и широка четири метри, сообраќајните експерти и политичарите ја сметаат за пресврт во сообраќајот.
Автопатот наменет само за велосипеди ќе се гради до 2022 година и ќе биде долг 30 километри. Преку овој автопат ќе се поврзат Франкфурт и Дармштат. Оваа инвестиција ќе чини 43 милиони евра.
Според истражувањата кои биле направени во рамките на овој проект, во покраината Хесен се наоѓаат 42 коридори кои би биле погодни за изградба на велосипедски автопати.
