Тајван извести за нагло зголемување на бројот на кинески воени авиони (рекордни 25) што влегоа во неговата зона за идентификација во изминатиот период. Кон крајот на јануари, исто така, беше забележан скок на активноста кога ударната група на носачот „Теодор Рузвелт“ помина низ регионот, што резултира со воени вежби на кинески авиони врз американски бродови.
Минатата есен, американскиот секретар за здравство и човечки услуги, Алекс Азар, беше во посета на Тајван и оствари средби со високи тамошни претставници, што го налути Пекинг. Неговата посета ја поттикна Кина да испрати борбени авиони „џ-10“ и „џ-11“ во Тајванскиот теснец, каде што накратко ја минаа чувствителната средна линија што неофицијално го одделува воздушниот простор помеѓу копното и островот.
Во последниве години, политичките и воените тензии меѓу Пекинг и Вашингтон ескалираа во екот на трговската војна на администрацијата на Трамп со Кина, како и на нејзината одлука за снабдување на Тајпеј со напредни варијанти на борбениот авион „ф-16“, покрај друга воена опрема. Кинеското влијание во Јужнокинеско Море придонесе и за вознемиреност во целиот регион, што ја натера Јапонија да го остави настрана својот повоен пацифизам. Кина никогаш не ја исклучи можноста за офанзива на Тајван и продолжи да ја јакне својата воена моќ. Низ годините, таа ја модернизира својата војска, воведувајќи го својот невидлив борбен авион „џ-20“ од петтата генерација, нарачувајќи два носача на авиони заедно со неколку модерни амфибиски транспортни носачи.
