Според скорашниот договор, вреден 610 милиони евра, со европскиот производител на оружја МБДА, крстосувачката ракета „спеар 3“ ќе биде главното оружје за напад на борбениот авион „ф-35б“. Таа може да собори воени бродови, тенкови, оклопни возила, ракетни фрлачи, бункери, радари и системи за воздушна одбрана. „Спеар 3“ има турбомлазен мотор на „Прат и Витни тџ-150“ и може да лета со брзина под брзината на звукот, а има дострел од над 140 километри.
Оваа крстосувачка ракета располага со мултирежимски сензорен трагач со милиметарски бран (ММВ) и полуактивен ласер (САЛ) или, поедноставно кажано, има флексибилно целење. Трагачот снима слики со помош на речиси оптичка бранова должина (94 гигахерци), дава слики со висока резолуција за да можат алгоритмите да направат процена на препознавање на целите во системот.
Функцијата на САЛ им овозможува на специјалните сили од воздушната контрола да ја „обојат“ целта на ракетата со помош на ласерот. Трагачот ја следи рефлектираната енергија на ласерот и се лансира кон целта. Функцијата на ММВ дава автоматско следење на целта.
Мултифункционалната боева глава може да се програмира дури и во текот на летот и може да произведе зголемен ефект на експлозија врз оклоп и распрскувачки ефект при експлозија на таканаречени „меки“ возила или да разори цврсти структури и бункери. „Спеар 3“ ќе стане главно оружје за напад во борбените авиони „ф-35б“ од ударната група на носачот за авиони „Кралица Елизабета“, кога ќе биде ставен во функција во наредните пет години.
