Товарен брод со тони хемикалии тоне крај западниот брег на Шри Ланка, што е една од најлошите поморски еколошки непогоди на оваа азиска земја досега.
Сингапурскиот брод „МВ Екс-Пресс Перл“, кој носеше 1.486 контејнери, вклучувајќи и 25 тони азотна киселина, како и други хемикалии, се закотви во близина на западниот брег кога избувна пожарот на 20 мај, објави денеска „Ројтерс“.
Властите се бореа со пожарот откако паднаа контејнерите со запаливите хемиски супстанци и го запалија бродот, соопшти минатиот месец морнарицата на Шри Ланка.
Тони пластични пелети стигнаа до брегот и морето богато со риба, предизвикувајќи една од најлошите еколошки катастрофи во последните неколку децении, велат експертите.
Од компанијата за спасување изјавија дека бродот тоне на сегашната позиција, напиша министерот за риболов на Твитер.
Владата забрани риболов по должината на крајбрежјето долга 80 километри, тоа преставуваше закана за околу 5.600 рибарски бродови, додека стотици војници беа распоредени на плажите за да го исчистат отпадот.
Спасувачките екипи го влечат бродот кон подлабоките води, додаде министерот за риболов.
