Вознемирувачки сателитски снимки на НАСА од вселената укажуваат на огромниот размер на пожарите што ја зафатија Амазонија која се нарекува и „белите дробови на светот“. Фотографиите на НАСА покажуваат дека ситуацијата во неколку бразилски држави е застрашувачка. Повеќе од половина од пожарите се наоѓаат во огромниот басен на Амазон, каде живеат повеќе од 20 милиони луѓе.
Пожарите беснеат со рекордна стапка во бразилската дождовна шума во Амазон, а научниците предупредуваат дека може да се случи уништувачки удар во борбата против климатските промени.
Станува збор за најголем број на пожари кои избувнале од 2013 година, кога ситуацијата на терен почнала да на следи Националниот институт за истражување на вселената (познат по кратенката ИНПЕ).
Оваа година има 72.843 пожари во Бразил, повеќе од половина во регионот Амазон, соопшти ИНПЕ. Тоа е зголемување за повеќе од 80 отсто во однос на истиот период минатата година.
August 2019 is continuing an active Amazon fire season, with large and intense fires burning in the region. @NASA satellites tracked actively burning fires across South America and captured images of smoke in the last week. https://t.co/EZKu01MPHg pic.twitter.com/VEoNZi2KJQ
— NASA Earth (@NASAEarth) August 23, 2019
