Кинески тајкун, кој почина пред некој ден, е отруен, соопшти полицијата во Шангај. 39-годишниот Лин Чи беше претседател и извршен директор на компанијата за развој на видеоигри Yoozoo, позната по стратешката игра „Игра на тронови: Зимата доаѓа“.
Во изјавата полицијата во Шангај посочи еден од колегите на Лин како главен осомничен. Компанијата соопшти дека Лин отишол во болница затоа што се чувствувал лошо, но дека е во стабилна состојба. Но, се случи драматичен пресврт во петокот кога компанијата објави дека нејзиниот основач починал. Според извештаите на локалните медиуми, Ксу Јао, кој е на чело на филмската продукција во компанијата, може да биде во притвор. Според тврдењата на локалните медиуми, се тврди дека Лин наводно решил да му ја намали платата на Ксу со цел да го присили да ја напушти земјата. Исто така, се шпекулира во локалните медиуми дека Лин е отруен со кинески ферментиран пијалак.
Се смета дека Лин има богатство од приближно 6,8 милијарди јуани (околу милијарда евра) според ранг-листата на богаташи во Кина. Многу вработени и поранешни вработени се собраа пред канцеларијата на компанијата како знак на жалост за неговата смрт.
Лин Чи беше ѕвезда на профитабилниот кинески пазар на видеоигри, а влезе и во светот на филмската продукција. Тој го основа Yoozoo во 2009 година и успешно ја водеше компанијата во периодот кога индустријата за видеоигри претрпе значителни промени и пресврт кон игри на мобилната телефонија.
