На индиските власти, најверојатно, ќе им бидат потребни околу десет дена за да ги најдат телата на петте исчезнати планинари за кои се верува дека загинале во лавина високо во Хималаите, објавија владини и полициски претставници.
Официјалните претставници велат дека властите утре или задутре ќе спроведат уште една воздушна мисија за да најдат начин да стигнат до телата на исчезнатите планинари или ќе испратат тим за истата цел, откако тимот ќе се прилагоди на условите.
Постои можност за уште една лавина што претставува голем ризик за операцијата, изјави за медиумите претставник на индо-тибетската погранична полиција.
Мисијата за пронаоѓање на телата, која вклучуваше и три хеликоптерски летови во текот на денот се соочи со технички проблеми.
