Сепаратистите на Јужниот преоден совет (СТЦ) во Јемен создадоа посебна економија на југот на земјата и ја попречуваат улогата на јеменската влада, тврди економскиот истражувач Фајсал Абдул-Гани, пренесува „ Ал-Араби Ал-Џадид“.
Абдул-Гани тврди дека по враќањето во привремената престолнина Аден, јеменската влада сфатила дека контролата на СТЦ, подржана од ОАЕ, врз тој и другите региони во јужен Јемен му овозможила да доминира во јавните приходи и да создаде своја економија.
Советот очигледно се инфилтрирал во многу економски, трговски и инвестициски сектори, како што се комуникациите, недвижостите и трговијата со гориво.
Абдул-Гани објасни дека јеменската влада ги ескалира борбите во регионот Мариб во обид да создаде нова рута за извоз на нафта и течен природен гас, особено од побезбедните полиња во Мариб, за да оствари приход. Сепак, борбите на периферијата на нафтената провинција влијаеја на сите планови за експлоатација на најважниот достапен природен ресурс.
Јемен се соочува со силна криза поради значително намалување на расположивите приходи. Ова ја спречува владата да управува со државните институции во привремениот главен град Аден и да ги обезбедува платите на вработените.
