Тајван неодамна извести за нагло зголемување на бројот на кинески воени авиони што влегуваат во неговиот воздушен простор во последните четири месеци, со тоа што само на 4 октомври беше регистриран рекорден број од 56 воени прелети.
Кина никогаш не ја отфрли можноста да изврши офанзива на Тајван и продолжува да ги засилува своите воени капацитети во таа насока. Во изминатите неколку години, таа ја модернизира својата војска, претставувајќи го авионот „Џ-20“, односно автохтониот невидлив ловец од петтата генерација. Пекинг исто така располага со два носача на авиони со неколку современи амфибиски десантни бродови. Инфографикот дава преглед на таа нерамнотежа врз основа на годишниот извештај на американската влада.
Сепак, еден аспект што сè повеќе се чини дека е во корист на Тајван е Џо Бајден како претседател на САД. Покрај тоа што Белата куќа се трудеше да ги разјасни неговите коментари, Бајден двапати во последните три месеци рече дека Вашингтон ќе го брани Тајван во случај на напад од Кина. Иако САД се обврзани со закон да ја „поддржат самоодбраната на Тајван“, како што беше опишано од портпаролот на Белата куќа по последната изјава на Бајден, државата традиционално примени политика на „стратегиска двосмисленост“, кога станува збор за придржување до Законот за односи со Тајван. Секаква експлицитна изјава или чин во корист на преземање одбранбени чекори во регионот би претставувало јасен чекор подалеку од оваа позиција. Исто така, Бајден во една од своите изјави истакна дека „не сака студена војна со Кина, туку сака само државата да сфати дека САД нема да се повлечат и нема да ги променат нивните ставови“.
