Соединетите Американски Држави се подготвени за стабилни односи со Русија доколку ја сменат својата политика, изјави американскиот државен секретар Ентони Блинкен.
– Ако Русија го смени курсот, ние ќе бидеме подготвени да разговараме – рече Блинкен.
Според него, претстојниот самит на претседателите на двете земји, Владимир Путин и Џо Бајден, во Женева следната недела „тешко дека ќе ја покаже желбата на Москва да направи нешто слично“.
Блинкен додаде дека американскиот лидер ќе се сретне со неговиот руски колега поради наводната „агресија и напад“ од Москва.
– Тој јасно и отворено ќе каже што може да се очекува од Соединетите Американски Држави доколку продолжат агресивните непромислени активности против нас. Тој подеднакво ќе стави до знаење дека ако Русија избере поинаква политика во своите активности, ние ќе им дадеме приоритет на постабилните односи. Од тоа ќе има корист нашиот народ, рускиот народ, целиот свет – стратешка стабилност и контрола на оружјето – рече Блинкен.
Тој не ја исклучи можноста по првиот состанок на лидерите на двете земји да се појави одредена јасност во иднината на односите.
„Во секој случај, подготвени сме и за двете сценарија“, заклучи Блинкен.
