Масовност, борбеност, квалитетни дуели и добра организација го обележија Државното првенство во сениорска и во пионерска конкуренција што викендов се одржа во Прилеп, во организација на Џудофедерацијата на Македонија, а во техничка организација на клубот ЏК Сеишин. Вкупно 161 натпреварувач од 16 клуба се бореа за титулата шампион на Македонија, од нив 82 во пионерска (52 машки и 30 женски) и 79 во сениорска (55 машки и 24 женски) конкуренција.
Клубот Сеишин од Прилеп освои најмногу медали 15. На првенството присуствуваше и претседателот на Џудофедерацијата на Македонија (ЏФМ), Владимир Трпановски, кој на најуспешните им ги додели медалите.
Секако, ваквата масовност може само да радува и е во прилог на фактот дека во Македонија има квалитетно подобрување, а сето тоа во правец на остварување високите поставени натпреварувачки цели на европски и светски натпреварувања. За тоа зборува и бројот на клубовите што настапија на ова првенство во двете конкуренции, а јуниорското првенство ќе се одржи викендов.
Да потсетиме, Македонија во овој спорт и порано имала талентирани натпреварувачи што настапиле на татамите на Летните олимписки игри (ЛОИ) во 2016 година, двајца се бореле на Медитеранските игри во Тарагона, а има и кандидати за настап на ЛОИ 2020.
Секако, во рамките на ЏФМ, а во соработка со Светската џудофедерација (ИЈФ), треба да се реализира проектот „Џудо во училиштата“, проект што само може да радува и кој треба да биде пример и за другите спортски федерации во Македонија, во насока да се зголеми масовноста кај најмладите, од каде што, пак, би произлегле квалитетни џудисти кадарни и за највисоки успеси.
Државните првенства во џудо за пионери и за сениори, по препорака на Министерството за здравство, се одржаа без присуство на публика, како превенција од коронавирусот.
Г.И.
ДРЖАВНИ ПРВАЦИ
СЕНИОРКИ
ИМЕ И ПРЕЗИМЕ КАТ. КЛУБ
Ангела Боровчанин (до 48 кг) Преспа
Арбреша Реџепи (до 52 кг) Ипон
Берна Шерифовска (до 57) Ипон
Андела Ставрова (до 63) Миоки
Амра Фејзула (до 70) Ипон
Благица Колева (до 78) Кожувчанка
Борјана Поп Атанасова (над 78) Миоки
СЕНИОРИ
Давор Велкоски (до 60 кг) Пролетер
Резард Хусеини (до 66) Ипон
Јордан Георгиески (до 73) Пролтер
Еди Шерифовски (до 81) Ипон
Артан Рушити (до 90) Ипон
Андреј Чакаровски (до 100) Дрим
Бобан Данов (над 100) Работнички
ПИОНЕРКИ
Анамарија Стојмиловска (до 32) Дрим
Дарија Јованова (до 36) Кожувчанка
Ива Богдановска (до 40) Миоки
Даниела Алексовска (до 44) Миоки
Марија Кузмановска (до 48) Миоки
Нина Николоска (до 52) Пролетер
Елеонора Илиоска (до 57) Бушидо
Мила Илиеска (над 63) Мастер
ПИОНЕРИ
Тоше Петров (до 34) Кожувчанка
Борис Џагадуроски (до 38) Сеишин
Петар Вељаноски (до 42) Пролетер
Игнат Петров (до 46) Кожувчанка
Петар Петров (до 50) Чурин
Никола Магдески (до 55) Сеишин
Ахмед Факиќ (до 60) Работнички
Христијан Здравески (до 66) Бушидо
Христијан Богданоски (до 73) Пролетер
Владимир Милчиноски (над 73) Пролетер
