Државното првенство имаше изборен карактер и заедно со плејофот по 14 дена треба да го одреди составот на македонската репрезентација за ЕП 2025 во Полска
КАРАТЕ – ПРВЕНСТВО НА МАКЕДОНИЈА ЗА КАДЕТИ, ЈУНИОРИ И ЗА ПОМЛАДИ СЕНИОРИ
Карате-клубот Штип е најуспешен на Првенството на Македонија за кадети, јуниори и за помлади сениори (до 21 година), кое се одржа во Скопје викендов. Во конкуренција на 227 каратисти/ки од 51 клуб, штипјани освоија 14 медали (пет златни, четири сребрени и пет бронзени), пред Олимпик спорт 2007 со осум медали (4-1-3), трет беше Шампион со четири медали (3-1-0) итн.
Државното првенство имаше изборен карактер и заедно со плејофот по 14 дена треба да го одреди составот на македонската репрезентацијата за настап на Европското првенство (ЕП) во Биелско-Бијала (Полска), од 7 до 9 февруари в година.
Поединечни прваци на Македонија за 2024 станаа: јуниори (ката): Јелда Имери (Форца), Нуредин Дервиши (Ускана). Борби: Цветан Маргаритов (Ботони, категорија до 55 кг), Андреј Стојчевски (Кизаме, до 61 кг), Филип Наумовски (Металург, до 68 кг), Адријан Симоновски (Шампион, до 76 кг), Филип Стојанов (Партизан Кочани, над 76 кг), Мартина Петреска (Чоле, до 48 кг), Илијана Серафимова (Кизаме, до 53 кг), Кенза Фетаи (Шогун, до 59 кг), Мила Штериева (Штип, до 61 кг), Дурата Мемети (Форца, до 66 кг), Ангела Николовска (Олимпик спорт, над 66 кг). Кадети (ката): Блерина Зендели (Ускана), Теодор Димески (Сансаи Метал Апостолов). Борби: Паола Арсовска (до 47 кг), Душица Бреслиева (до 54 кг), Лила Ефремова (над 61 кг), сите од Штип, Дамјан Митревски (Кунсуто, до 52 кг), Божјидар Зафиров (Штип, до 57 кг), Дарин Куртановиќ (Кеикс, до 63 кг), Михаил Алексовски (Шампион, до 70 кг), Теодор Стојаноски (Спорт 94, над 70 кг). Кадети-јуниори (ката екипно), Армор (жени), Јошитака (мажи). Помлади сениори, ката: Данка Стојкова (Сансаи Метал Апостолов), Давид Спасовски (Фунакоши Гичин). Борби: Михаела Миповска (Олмпик спорт 2007, до 50 кг), Рудина Алиу (Цевтан Димов, до 55 кг), Јована Мицовска (Макпетрол, до 61 кг), Ера Коџа (Дибра, до 68 кг), Греса Мустафаи (Арена, над 68 кг), Недим Шаќири (Ринија, до 60 кг), Матеј Белистојановски (Олимпик спорт 2007, до 67 кг), Вукашин Јовановиќ (Шампион, до 75 кг), Данило Божовиќ (Макпетрол, до 84 кг), Андреј Ангеловски (Олимпик спорт 2007, над 84 кг). Г.И.
