ТРИАТЛОН-ФЕДЕРАЦИЈАТА НА МАКЕДОНИЈА ГИ ПРОГЛАСИ НАЈДОБРИТЕ
ВО 2024 ГОДИНА
Триатлон-федерацијата на Македонија (ТФМ) ги објави добитниците на признанијата за најдобрите триатлонци и клуб за 2024 година. Овие признанија се доделуваат врз основа на официјалната ранг-листа и бодовите собрани во триатлон-лигата, која опфаќа три натпревари одржани во Скопје, Дојран и во Струга. Церемонијата за доделување на овие престижни признанија се одржа на годишниот завршен настан на федерацијата. Овој настан има цел да ги прослави извонредната посветеност и резултати на спортистите, како и да ги инспирира младите да го следат патот на успехот во триатлонот.
Признанијата за годинава ги добија, во сениорска конкуренција Иван Трпчевски и Блерта Хани, во јуниорска Здравко Здравев и Матео Мачоски (еднаков број бодови), во кадетска Јосиф Малински и Бистра Груевска, во категоријата деца 2 Андреј Лозаноски и Илина Станојевска, во категоријата деца 1 Наум Ѓорѓијевски и Мирјана Тодоровска, а за најдобар клуб за 2024 година е прогласен Триоги рејсинг, информираат од Триатлон-федерацијата на Македонија. Г.И.
