ШАХ
Натпреварот на Светското првенство за шахистки на Светската шаховска федерација (ФИДЕ) за 2025 година почна вчера во Шангај (Кина), со реми помеѓу Ју Венјун и Тан Жонгји, по 39 потези, објави ФИДЕ. Тоа е дуел на две светски шампионки, сегашна и поранешна, кои се соочија и во дуелите за титулата во 2018 година, кога Венјун беше предизвикувачка, Жонгји актуелна шампионка, а Венјун ја освои титулата на тој натпревар и оттогаш успешно ја брани, пишува ФИДЕ. Вториот меч е денеска, а Жонгји ќе ги има белите фигури.
Предвидени се вкупно 12 партии. Првата шахистка што ќе освои 6,5 поени ќе биде прогласена за победничка. Контролата на времето за секој натпревар е 90 минути за првите 40 потези, проследени со 30 минути за остатокот од дуелот, со зголемување од 30 секунди по секој потег, почнувајќи од првиот. Ако натпреварот биде израмнет на 6-6 по сите 12 меча, следува тај-брејк, кој ќе ја одреди шампионката. Постапката за тај-брејк вклучува серија партии во забрзан шах, а, ако е потребно, и во брз шах. Н.М.
