Традиционалниот спортски фестивал „Илинден 2025“ по четврти пат ќе се одржи во Струга на 2 август, во организација на спортско-рекреативниот клуб „Соларис“.
Во рамките на своите можности силите ќе ги одмерат голем број натпреварувачи.
Ќе можат да се проследат ватерполо турнир во соработка со Ватерполо федерацијата на Македонија, пливачките трки, кајак регатата, трките во СУП и за крај на радост на сите македонски граѓани, ќе се одржи и натпреварувањето во струшка такла.
Минатогодишниот фестивал имаше над 3.000 посетители, а организаторите очекуваат голема посетеност и годинава.
Право на учество во натпреварите имаат сите полнолетни граѓани кои претходно се пријавиле на платформата и ги прифатиле критериумите за учество. Еден од нив е натпреварувачите да не се активни спортисти, односно да не се официјални натпреварувачи во првенства организирани од соодветните спортски федерации. Можат да бидат поранешни спортисти, но и граѓани што никогаш не се натпреварувале во официјални натпревари.
На годинешниот „Илинден 2025“ се имаат пријавено и гости од две соседни земји.
