ЗОИ 2026
- Првата награда ѝ беше доделена пред 62 години на италијанската легенда во боб, Еуџенио Монти, на ЗОИ 1964 во Инсбрук
Меѓународниот комитет за ферплеј (ЦИФП) со гордост ги најавува наградите за ферплеј на Зимските олимписки игри (ЗОИ) во Милано и во Кортина д’Ампецо, кои почнуваат денеска. Оваа престижна иницијатива, во соработка со Интернационалниот олимписки комитет (ИОК), ја продолжува долгогодишната традиција на оддавање почит на спортистите што демонстрираат извонредни акти на спортски дух, интегритет и солидарност на најголемата спортска сцена во светот.
Годинашното издание има посебно историско значење. Првата награда за ферплеј ѝ беше доделена пред 62 години на италијанската легенда во боб (четирисед), Еуџенио Монти, на ЗОИ 1964 во Инсбрук. Монти гордо им подари резервна завртка на своите британски ривали, великодушен, несебичен чин што ја направи нивната победа со златен медал уште пофантастична. Монти потоа освои бронза, резултат што стана најпрекрасниот момент од сите, дефиниран не според бојата на медалот туку според спортскиот дух зад него. Донесувањето на наградите за ферплеј во Италија за ЗОИ 2026 е симболично „враќање дома“ за вредностите што ги застапуваше Монти, пишува ИОК.
Жири од претставници на ЦИФП, ИОК и членови на меѓународните медиуми ќе ги избере највлијателните моменти, а потоа, глобалната јавност ќе биде поканета да гласа за победниците, информира ИОК. Г.И.
