КАРАТЕ
Макпетрол е најуспешен клуб на првенството на Македонија за сениори, викендов во Скопје, со вкупно девет медали (пет златни, три сребрени, еден бронзен). Втор е Олимпик спорт 2007, исто така со девет медали (четири златни, три сребрени, два бронзени). Трет е Сансаи Матал Апостолов со четири медали (2-1-1) итн. Најдобриот македонски каратист, трикратниот европски првак Емил Павлов (КК Штип) 14-ти пат се закити со шампионска титула. На првенството учествуваа 92 каратисти од 28 клуба, од кои 24 освоија најмалку еден медал.
Прваци на Македонија за 2025 година се: ката екипно (жени): Сансаи Метал Апостолов; ката екипно (мажи): Фунакоши Гичин; ката жени: Владанка Аврамова (Сансаи Метал Апостолов); ката мажи: Нуредин Дервиши (Ускана); борби екипно (жени): Олимпик спорт 2007; борби екипно (мажи): Макпетрол; борби: Михаела Мишовска (категорија до 50 кг, Олимпик спорт 2007), Симона Заборска (до 55 кг, Макпетрол), Вероника Костовска (до 61 кг, Олимпик спорт 2007), Ангела Мојсовска (до 68 кг, Макпетрол), Ердона Зибери (над 68 кг, Фати), Фаик Весели (до 60 кг, Олимпик спорт 2007), Емил Павлов (до 67 кг, Штип), Мурсел Месини (до 75 кг, Башкими 2002), Петар Спасеновски (до 84 кг, Макпетрол), Стефан Стојановиќ (над 84 кг, Макпетрол). Г.И.
