На македонската листа на ФИДЕ, кај мажите и понатаму води ВМ Евгени Романов (рејтинг 2.587) а кај жените ЖФМ Моника Стојковска (2.067)
ШАХ – ФЕВРУАРСКА РЕЈТИНГ-ЛИСТА НА ФИДЕ
Светската шаховска федерација (ФИДЕ) ја објави рејтинг-листата за февруари, а на македонската машка листа и понатаму води велемајсторот (ВМ) Евгени Романов, но сега со три рејтинг-поени помалку во однос на јануари (вкупно 2.587). Втор е ВМ Трајко Недев (2.475), а трет ИМ Филип Панчевски (2.421). Четврти е ВМ Александар Чоловиќ (2.413), а петти ИМ Дејан Стојановски (2.407). Најмногу рејтинг-поени (23) освои Михаил Јорданов (2.241), кој од 24-то се искачи на 21-то место меѓу стоте на македонската рејтинг-листа. На македонската женска рејтинг-листа, прва и понатаму е ЖФМ Моника Стојковска (2.067), втора е ЖФМ Весна Секуловска (2.064), трета ЖФМ Ивана Манова (2.020), четврта ЖИМ Габриела Коскоска (2.000), петта Моника Жежовска (1.966)…, меѓу 39 шахистки.
На светската листа, на врвот и понатаму доминира некогашниот светски првак, Норвежанецот Магнус Карлсен (2.833), со нови два поена во однос на јануари. Карлсен е број еден во светот на ранг-листата на ФИДЕ од јули 2011 година или вкупно 164 месеци. И кај шахистите нема промени во однос на јануари меѓу првите пет, а уште тројца имаат над 2.800 рејтинг-поени. Американецот Фабијано Каруана (2.803), неговиот сонародник Хикару Накамура (2.802) и Индиецот Арјун Еригаиси (2.801), а петти е актуелниот светски првак, Индиецот Домарају Гукеш (2.777), кој е и прв на јуниорската листа. Кај шахистките на врвот и понатаму доминира поранешната светска шампионка Јифан Хоу (2.633), втора е Тан Жонгји (2.561), актуелната првенка Ју Венјун е трета (2.561), сите од Кина, а петта е Русинката Александра Горјачкина (2.546), но сите без промени на личниот рејтинг. Најдобра јуниорка е ИМ од Индија, Дивја Дешмух (2.490). Г.И.
ВРВНИ ПЕТ МАКЕДОНСКИ ШАХИСТИ
ВМ Евгени Романов 2.587
ВМ Трајко Недев 2.475
ИМ Филип Панчевски 2.421
ВМ Александар Чоловиќ 2.413
ИМ Дејан Стојановски 2.407
ВРВНИ ПЕТ МАКЕДОНСКИ ШАХИСТКИ
ЖФМ Моника Стојковска 2.067
ЖФМ Весна Секуловска 2.064
ЖФМ Ивана Манова 2.020
ЖИМ Габриела Коскоска 2.000
ЖФМ Моника Жежовска 1.966
ВРВНИ ПЕТ СВЕТСКИ ШАХИСТИ
ВМ Магнус Карлсен 2.833
ВМ Фабијано Каруана 2.803
Хикару Накамура 2.802
ВМ Арјун Еригаиси 2.801
ВМ Домарају Гукеш 2.777
ВРВНИ ПЕТ СВЕТСКИ ШАХИСТКИ
ВМ Јифан Хоу 2.633
ВМ Тан Жонгји 2.561
ВМ Венјун Ју 2.561
ВМ Леи Тингџие 2.552
ВМ Александра Горјачкина 2.546
